Опис: Болес која ја предизвикува паразитната габа Phytophtora infenstans. Симптомите на болеста се појавуваат на листовите, лисните дршки и кртоли. На листовите се развиваат жолтозелени или темнозелени пеги, кои брзо стануваат темнокафени. На рабовите на пегите на преодот помеѓу болното и здравото ткиво на долната страна на листот се развива бела превлака. Тоа претставуваат спороносни органи на паразитот. Превлаката особено добро се гледа на влажно време или наутро. Дамките се шират и растението се суши. На кртолите болеста ја препознаваме по поголеми или помали оловносиви вдлабнати дамки. На пресек на кртолата низ дамката месото е со темна боја. Болеста се пренесува со заразени кртоли. Презимува во кртолите во складиштата и кртоли кои остануваат во почвата по вадење на компирот. Габата поднесува температура до 0 степени. Од заразената кртолка изникнува растение на кое се формираат спорангии кои се пренесуваат со ветерот и дождовните капки. Првите жаришта се јавуваат на раните сорти компир. Оптимални услови за развој на габата е кога релативната влажност е над 90 %, а температурата на воздухот од 18 - 23 степени. Инкубацијата трае 3 - 5 дена.
|
  
повеќе слики >>
|
|
|