| Опис: Кај пиперката причинува дамкосување на листовите и изумирање на расадот. На листовите, како и на стеблото од расадот, се јавуваат ситни, неправилни, влажни темнокафеави до црни дамки. При посилни зарази причинува изумирање на расадот. При студеникаво и врнежливо време, остварува зарази и по расадувањето на пиперката. Бактеријата се разнесува од дождовните капки, ветерот и од инсектите. Врнежливото време, високата влажност и ниските температура ја зголемуваат опасноста од оваа бактериоза. За заштита се препорачува употреба на бакарен хидроксид непосредно по опаѓањето на листовите. |
