| Опис: Житните трипси имаат 1 - 2 генерација годишно. Презимува вo стадиум на имаго во почва или растителни остатоци. Ларвите и имагата со својата исхрана причинуваат штети кај житата. Ларвите предизвикуваат појава на бели дамки на листот како и редукција на асимилационата маса. Хранејќи се со класот, ларвите причинуваат редукција на приносот на зрното. Нападот на трипсите на класот лесно се препознава. Врвните зрна се штури, лесни, исфрлени од лежиште, осилата се во сите правци. Класот е растроен. Кога ќе ја исмукаат целата содржина од врвните зрна, трипсите се симнуваат подолу во основата на класот. Успешна контрола на популацијата на житните трипси се постигнува со висока агротехника (плодоред, обработка, ѓубрење, наводнување, запазување на роковите на сеидба и прибирање на родот, палење на стрништата). |
повеќе слики >>
|
|
|