SEKATOR OD е селективен транслокационен хербицид наменет за сузбивање на едногодишни и повеќегодишни широколисни плевели кај пченица и јачмен. Содржи две активни материи јодосулфурон метилнатриум 1,25 % и амидосулфурон 5% како и протектант мефенпир диетил 12,5%. Формулиран е во вид на водорастворливи гранули. Плевелите го усвојуваат преку листовите и го транслоцираат преку ксилемот и флоемот низ целото растение. Неговото дејство предизвикува раградување на хлорофилот а како последица на тоа многу бргу плевелот престанува да расте и да се развива и во рок од 4 - 6 недели се суши и пропаѓа. Протектантот менфенпир - диетил го разградува хербицидот во стрните жита и на тој начин ги заштитува од негото дејство. Кај озима пченица и јачмен се користи во доза од 200 - 300 g препарат/ha со потрошувачка на вода од 200 - 400 L/ha. Кај озима пченица се третира од фаза на почеток на братење па се до фаза на влатење (22 - 30 ZCK) а кај прилетна пченица од фаза на развиени 3 листа па се до крај на братење (13-30 BBCH), а кога плевелите се во фаза на интензивен пораст (2-6 листа). Се препорачува потрошувачка на вода од 200 - 400 L/ha. Спектар на дејство: Anagallis arvensis, Capsella bursa - pastoris, Galium aparine, Matricaria chamomilla, Myosotis arvensis, Polygonum aviculare, Polygonum convolvulus, Polygonum persicaria, Ranunculus arvensis, Raphanus raphanistrum, Sinapis arvensis. Нешто послаба ефикасност има кон: Apera spica - venti, Chenopodium album, Daucus carota, Fumaria officinalis, Lamium purpureum, Papaver rhoeas, Veronica hederifolia, Veronica persica, Viola arvensis, самоникнат сончоглед. Плевелите треба да бидат во стадиум од 2-8 листа. На тревници добро ги сузбива: Achillea millefolium, Cardamine pratensis, Rumex crispus, Rumex obtusifolius, Taraxacum officinale. Не ги сузбива: Alchemilla vulgaris, Anthemis arvensis, Cirsium arvense, Geranium dissectum, Stellaria media.

Дозволен е само еден третман во текот на годината. Може да се меша со сите препарати од компанијата BAYER. Доколку се меша со други препарати да се направи тест за фитотоксичност.

Обезбедена со времето на употреба.